aMdarikAdhAramaina - అందరికాధారమైన

అందరికాధారమైన ఆది (రాగమ్: ) (తాలమ్: )

ప|| అందరికాధారమైన ఆది పురుషుడీతడు | విందై మున్నారగించె విదురునికడ నీతుడు ||

చ|| సనకాదులు కొనియాడెడి సర్వాత్మకుడీతడు | వనజ భవాదులకును దైవంబై నతడీతడు | ఇనమండలమున జెలగేటిహితవై భవుడితడు | మునుపుట్టిన దేవతలకు మూలభూతి యీతడు ||

చ|| సిరులొసగి యశోదయింట శిశువైనత డీతడు | ధరనావుల మందలలో తగ జరించె నీతడు |
సరసతలను గొల్లెతలకు జనవులొసగె నీతడు | ఆరసి కుచేలుని యడుకులు ఆరగించెనీతడు ||

చ|| పంకజభవునకును బ్రహ్మ పద మొసగెను యీతుడు | సంకీర్తన లాద్యులచే జట్టి గొనియెనీతడు |
తెంకిగ నేకాలము పరదేవుడైన యీతడు | వేంకటగిరి మీద ప్రభల వెలసిన ఘనుడీతడు ||

aMdarikAdhAramaina Adi (Raagam: ) (Taalam: )

pa|| aMdarikAdhAramaina Adi puruShuDItaDu | viMdai munnAragiMce vidurunikaDa nItuDu ||

ca|| sanakAdulu koniyADeDi sarvAtmakuDItaDu | vanaja BavAdulakunu daivaMbai nataDItaDu | inamaMDalamuna jelagETihitavai BavuDitaDu | munupuTTina dEvatalaku mUlaBUti yItaDu ||

ca|| sirulosagi yaSOdayiMTa SiSuvainata DItaDu | dharanAvula maMdalalO taga jariMce nItaDu | sarasatalanu golletalaku janavulosage nItaDu | Arasi kucEluni yaDukulu AragiMcenItaDu ||

ca|| paMkajaBavunakunu brahma pada mosagenu yItuDu | saMkIrtana lAdyulacE jaTTi goniyenItaDu | teMkiga nEkAlamu paradEvuDaina yItaDu | vEMkaTagiri mIda praBala velasina GanuDItaDu ||